३ किलो गाँजासहित धादिङका एक किशोर पक्राउ

धादिङ ।तनहुँको आँबुखैरेनी गाउँपालिका–४ बेनिटारबाट अवैध लागूऔषध गाँजासहित एक किशोर पक्राउ परेका छन् ।

पक्राउ पर्नेमा धादिङको निलकण्ठ नगरपालिका–४ बस्ने १७ वर्षीय किशोर रहेका छन् ।

शुक्रबार बिहान अस्थायी प्रहरी पोष्ट मुग्लिङबाट खटिएको प्रहरीले ग.२ ख १०५१ नम्बरको बसलाई जाँच गर्ने क्रममा बसमा सवार उनलाई ३ किलोग्राम गाँजासहित पक्राउ गरिएको प्रहरीले जनाएको छ ।