एक हजार रोपनीमा लगाइएको अफिम खेती धादिङ प्रहरीद्धारा नष्ट

धादिङ । धादिङको बेनीघाट रोराङ गाउँपालिका–१ का विभिन्न ठाउँमा एक हजार रोपनीमा लगाइएको अफिम खेती नष्ट गरिएको छ।

आईतबार जिल्ला प्रहरी कार्यालय धादिङ र सशस्त्र प्रहरी बल नेपालबाट खटिएको प्रहरी टोलीले बेनीघाट रोराङको बासखर्क‚ सिमटार‚ जरुङ‚ सुन्दरनागी‚ थामभञ्ज्याङ‚ लामाटार‚ ब्रुम्दी लगायतका स्थानहरुमा करिव १ हजार रोपनीमा लगाईएको अवैध रुपमा लगाइएको अफिम खेती नष्ट गरेको जिल्ला प्रहरी कार्यालय धादिङका प्रहरी उपरीक्षक गौतम केसीले जानकारी दिनुभयो।

अफिमको व्याड‚ बेर्ना, खेती फडानी गरी नष्ट गरिएको केसीले बताउनुभयो ।