परेवाटारमा धाम निर्माण गर्न सक्दो सहयोग गर्नेछु:रामनाथ अधिकारी

प्रतिनिधि सभा सदस्य रामनाथ अधिकारीले परेवाटारमा धाम निर्माण गर्न सक्दो सहयोग गर्ने बताउनुभएको छ । आईतबार धादिङको सिद्धलेक गाउँपालिका–६ कुम्पुर परेवाटारमा जारी श्रीमद भागवत सप्ताह धनधाञ्यचल ज्ञान महायज्ञलाई सम्बोधन गर्दै धादिङ क्षेत्र नं २ बाट निर्वाचित सांसद अधिकारीले धाम निर्माण कार्यमा आफ्नो तागत र हैसियत अनुसार सक्दो सहयोग गर्ने बताउनुभएको हो ।

उहाँले त्रिशुली नदीको किनारमा बन्ने धाम जिल्लाकै आकर्षक पर्यटकीय गन्तब्य हुने भन्दै आफ्नो क्षेत्रबाट हुने सहयोगमा कुनै कमी नराख्ने बताउनुभयो ।उहाँले भन्नुभयो,‘यो धाम मैले पनि निर्माण गर्न लागेको हो,यसमा मेरो पनि पुर्ण सहयोग रहन्छ ।’ साथै उहाँले जारी श्रीमद भागवत सप्ताह धनधाञ्यचल ज्ञान महायज्ञमा व्यत्तिगत रुपमा २१ हजार १११ रुपैँया दान गर्नुभएको छ ।

३ करोड लागतमा शिव मन्दिर, चण्डिकादेवी एवम बिशाल धर्मशाला २ बर्ष भित्र सम्पन्न गर्ने लक्ष्यसहित माघ ८ गतेदेखी परेवाटारमा अवस्थित लक्ष्मी नारायण मन्दिर प्राङ्गणमा चण्डेश्वर शिव मन्दिर, चण्डिकादेवी एवम बिशाल धर्मशाला निर्माणार्थ आयोजित संगितमय श्रीमद भागवत सप्ताह धनधाञ्यचल ज्ञान महायज्ञ एवम परेवाटार धार्मिक महोत्सव जारी रहेको छ ।

दान अहिले नगरे कहिले गर्ने,हामिले नगरे कसले गर्ने र यहाँ नगरे कहाँ गर्ने भन्ने मुल मन्त्रको साथ जारी भागवतको कथा वाचन बालतपस्वी पण्डित उत्तम भट्ट महाराजले गर्नुभएको छ । महायज्ञमा २१ हजार भन्दा माथि दान गर्नेहरूको नाम शिलालेखमा लेखिने आयोजकले जनाएको छ। महायज्ञको भोलि समापन हुदैँ छ ।