निराहारी बाबाको अलौकिक क्षमता पुष्टि गर्न धुनिवेशीको गोरखनाथ मन्दिरमा साधना सुरु

अडियोमा सुन्नुहोस

अलौकिक’ निराहारी बाबा भनेर चिनिएका राजेन्द्र रेग्मीको अलौकिक क्षमताको परिक्षणका लागि निराहार साधना सुरु गरिएको छ ।

धादिङको धुनिवेशी नगरपालिका वडा नम्बर ५ स्थित विजयपुरमा रहेको गोरखनाथ मन्दिरको परिसरमा विगत ७ महिनादेखि निराहार रहेको भनिएका बाबाको सिसिक्यामेरा लगायतको निगरानीमा निराहार तथा अलौकिक साधना सुरु गरिएको हो ।

गोरखनाथ कल्याण केन्द्र नेपालको व्यवस्थापनमा सोमबार देखी ५८ वर्षिय रेग्मीले निराहार तथा अलौकिक साधना सुरु गरेको गोरखनाथ कल्याण केन्द्र नेपालका केन्द्रिय अध्यक्ष अर्जुन प्रसाद रेग्मीले बताउनु भयो । उहाले सँस्थाको तर्फबाट ठाउँ उपलब्ध गराएको र व्यवस्थापनमा सहयोग निरन्तर गर्ने बताउनु भएको छ ।

सो क्रममा ती निराहार बाबाले आफ्नो शरिर विश्वकै मानव समूदायको लागि अनौठो सावित हुने दाबी समेत गर्नु भएको छ । उहाले आफू २०८० भदौ मसान्तसम्म त्रिवि शिक्षण अस्पतालको आर्थिक सह–नियन्त्रक पदमा कार्यरत रहेको बताउनु भयो । उहाले आफ्नो शरिर निराहार र अलौकिक भएको विवरणसमेत प्रेस नोट तथा साधना सुरु अघि पत्रकार समक्ष्य कुराकानी गर्दै भिडियो मार्फत सार्वजनिक गर्नु भएको छ ।

०६५ सालदेखि ढाड दुख्ने समस्या रहेकोले उभिएर काम गर्ने गरेको र कुर्सीमा बसेर काम गर्न नसक्ने, खानेकुरा खाँदा दुख्ने गरेको पनि उहाले स्मरण गराउनु भयो ।

उहाले आफूलाई शरिरमा आएको त्यस्तो बदलावको समयमा नेपाल र भारतका विभिन्न शिवालयमा पुगेर दर्शन गरेको पनि जानकारी दिनु भयो । उनले आफूले ०७६ सालदेखि भोजन बन्द गरेको बताए । उनले भने, ‘मैले २०७६ सालदेखि नै भोजन बन्द गरेको थिएँ, तर ०७९ साल फागुन ३ गते जब म सुतेको थिएँ, त्यतिवेला मेरो वजन १२० केजी थियो, तर मलाई अलौकिक शक्ति प्राप्त भएको सपना भयो, उठ्दा त मेरो वजन नै घटेको अवस्थामा आफूलाई पाएँ, पछि तौल ८० केजी भएछ । ४८ इन्चको कम्मर ३४ इन्चको भयो ।’ उहाले आफू घण्टौंसम्म पनि चिसो वा तातो दुवै पानीले समाधि गर्न पनि सक्षम रहेको जानकारी जानकारी गरराउनु भयो

“म गत फागुनदेखि निराहार छु । निरन्तर ७ महिना भयो मैले पानी पनि खाएको छैन् । निराहार पुष्टिका लागि औपचारिक रुपमा साधना सुरु गरेको छु । यो व्यवस्थापनका लागि गोरखनाथ कल्याण केन्द्र नेपालको समुहलाई धन्यवाद दिन्छु, मिडियाकर्मीमा पनि आभार व्यक्त गर्दै थप सहयोगको अपेक्षा गरेको छु ।” उहाले भन्नु भयो ।

धरानमा जन्मिएका रेग्मीको हाल स्थायी ठेगाना ललितपुर महालक्ष्मी नगरपालिका लुभु हो । यस अघि निराहार अलौकिक राजेन्द्र रेग्मी उजागर समितिले राजेन्द्र रेग्मी ‘अलौकिक’ निराहारी बाबाको अलौकिक क्षमताबारे परीक्षणको माग गर्दै काठमाण्डौँमा पत्रकार सम्मेलन गरेको थियो ।