सिद्धलेकको छेजुङ गुम्बामा ङ्युने व्रत सुरु

अडियोमा सुन्नुहोस

धादिङ ।धादिङको सिद्धलेका गाउँपालिका वडा नं १ स्थित नयाँबस्ती खनायोखर्कको छेजुङ गुम्बामा ङ्युने (निलाहार) व्रत शुरु भएको छ ।

बडादशैंको अवसर पारेर ४ गते फुलपातीबाट शुरु भएको ब्रत ७ गते विजयादशमीसम्म चल्ने छेजुङ गुम्बाका अध्यक्ष जोन लामाले बताउनुभयो।

प्रमुख लामा धन दोर्जे लामाको अगुवाइमा १९ जनाले व्रत सुरु गरेको लामाले बताउनुभयो ।

यो व्रत देवातरणको समयमा हरेक वर्ष गर्ने गरिन्छ ।भगवान बुद्धले देवलोकमा रहेको आफ्नो मातालाई धार्मिक प्रवचन दिएर मनुष्य लोकमा आएको समयलाई देवातरण  भनिन्छ ।

यही देव अवतरणको समयमा पुर्णिमा, औंशी, दशमी र अष्टमी जस्ता तिथि पारेर निराहार ङ्युने व्रत बस्ने परम्परा रहेको सिद्धलेक गाउँपालिका वडा नं १ का वडाध्यक्ष पेमा लामाले बताउनुभयो।व्रत पञ्चशील र अष्टशीलका लागि समेत लिइनुका साथै दिवंगत प्राणीहरुको मुक्ति र जीवीत प्राणीहरुको रक्षाका लागि पनि बस्ने गरिएको उहाँको भनाई छ।

यो ब्रत बस्नाले मन तथा आत्मा, वचन र शरीर शुद्ध हुने तथा दुर्गतीको पापवाट मुक्ति मिल्ने, नर्क लोक, प्रेत लोक र पशु लोकको दुःखवाट मुक्ति पाउने विश्वास रही आएको पनि लामाले बताउनुभयो ।

बौद्ध धर्ममा ङ्यूङ्ने व्रतलाई विशेष महत्वका साथ गरिने चलन रहेको छ।