युकेको लाहुरे हुँ भन्दै धादिङबेसीमा पैसा ठगी,११ हजार लिएर गायब

अडियोमा सुन्नुहोस

धादिङ,३० असोज ।
धादिङबेसीका एक होटल सञ्चालक दिनदहाडै अपरिचित व्यक्तिबाट ठगिएका छन्। सिङ्गापुरे आर्मीको क्याप्टेन हुँ भन्दै खाजा खान आएका अपरिचित व्यक्तिले शुक्रबार उल्टै पैसा मागेर भागेको होटल सञ्चालक सीता गुरुङले बताइन्।

पोखरा घर भएको बताउने ति व्यक्तिले महँगा सामान भएको झोला ‘होटलमै राखिदिनुस्, एकछिन बजार घुमेर आउँछु’, भनेर होटल सञ्चालक सेती गुरुङसँग नगदरु ११ हजार लिएर गायब भएको सीता गुरुङले बताइन्।

सुनौला बजारका एक जना साथीले आफूलाई युकेबाट सामान पठाएको र त्यो सामान अहिले पु¥याइदिन जान लागेको तर आफूसँग पैसा नभएकाले सामान यही होटलमा राख्छु पैसा सापटी दिनुहोस् भन्दै रु ११ हजार लिएर गएको होटल सञ्चालक गुरुङले जानकारी दिइन्।

सुन, डलर पैसालगायत जिन्सी सामान राखिदिनु अहिले एकछिनमै आउँछु भनेर गएका ती व्यक्ति फर्किएर नआएको उनको भनाइ छ। शुक्रबार ती व्यक्तिले छोडेको झोला शनिबार खोलेर हेर्दा कागजको पोका, सुन जस्तो देखिने नक्कली सिक्री र एउटा तन्ना भेटिएको छ।