रक्सी, बियर, चुरोट, खैनीलगायतका वस्तुको भाउ बढ्यो

काठमाण्डौ,१६ जेठ ।
आउँदो आर्थिक वर्ष २०८०/८१ का लागि प्रस्तुत बजेटअनुसार अन्तःशुल्क बढ्दा रक्सी, बियर, चुरोट, खैनीलगायतका वस्तुको भाउ बढेको छ ।

सोमवार संसदमा प्रस्तुत बजेटमा भएको व्यवस्थाका कारण रक्सी, बियर, चुरोट, खैनीलगायतका वस्तुको बढेको भाउ आजदेखि नै लागू हुनेछ ।अहिले बियरमा प्रतिलिटर दुई सय २८ रुपैयाँ अन्तःशुल्क लाग्छ ।

यसलाई बढाएर दुई सय ३५ रुपैयाँ पु¥याएकाले लिटरमा सात रुपैयाँ बढ्नेछ । बढेको सात रुपैयाँमा १३ प्रतिशत मूल्य अभिवृद्धि कर (भ्याट) पनि लाग्छ । यसले गर्दा बियरको मूल्य छ सय ५० मिलिलिटरको बोतलमा १० रुपैयाँ बढ्ने छ ।