१४४ दलित विद्यार्थीलाई नीलकण्ठ नगरपालिकाको छात्रवृत्ति(सूची सहित)

धादिङ,३० जेठ।
धादिङको नीलकण्ठ नगरपालिकाका १४४ जना दलित विद्यार्थीलाई छात्रवृत्ति वितरण गरेको छ ।

मंगलबार एक समारोहबीच नगरपालिकाले कक्षा ११,१२,डिप्लोमा, स्नातक र स्नाकोत्तरमा अध्ययनरत १४४ जना विद्यार्थीलाई छात्रवृत्ति वितरण गरेको हो ।विद्यार्थीहरुलाई प्रतिव्यक्ति ६ हजार देखि ८० हजार सम्म छात्रवृत्ति प्रदान गरिएको छ ।

८० हजार छात्रवृत्ति पाउनेमा एमबीबीएसका विद्यार्थी रेशु विश्वकर्मा र सुनिल सुनार रहेका छन्।त्यस्तै बीडीएसका विद्यार्थी बाबुराम वि.कले ४० हजार छात्रवृत्ति पाएका छन् भने प्राविधिक धारका विद्यार्थीहरु विष्णु नेपाली, प्रमोद सार्की, राजु विश्वकर्मा, दिनेश रोक्का, रोशन विश्वकर्मा, अनिता परियार, लक्ष्मी नेपाली, निशान विश्वकर्मा, प्रकाश विश्वकर्मा, प्रकाश विश्वकर्मा र सविता सिँजालीले २५ हजार छात्रवृत्ति पाएका छन् ।

कार्यक्रममा नगरपालिका प्रमुख भिमप्रसाद ढुङ्गानाले शिक्षामा पूर्ण निःशुल्क नहुँदा सम्म छात्रवृत्तिलाई निरन्तरता दिने बताउनुभएको छ ।साथै उहाँले छात्रवृत्ति स्वरुप प्रदान गरिएको रकमको सहि सदुपयोग गर्न आग्रह गनुभयो ।

छात्रवृत्ति व्यवस्थापन समितिको जेठ २५ गतेको निर्णय अनुसार आर्थिक बर्ष २०७९/०८० को बार्षिक कार्यक्रम अन्तरगत छात्रवृत्ति वितरण गरिएको नगरपालिकाका उपप्रमुख दिपक विश्वकर्माले बताउनुभयो।

छात्रवृत्ति पाउने विद्यार्थीको सूची

छात्रवृत्ति पाउने विद्यार्थीको सूची र तस्विर धादिङ पोष्टबाट लिएका हौँ ।