पेट्रोल, डिजेल र मट्टीतेलकाे मूल्य बढ्याे

पेट्रोल, डिजेल र मट्टीतेलको मूल्य बढेको छ।

नेपाल आयल निगमले मंगलबार राती बसेको निगम सञ्चालक समिति बैठकले डिजेल र मट्टीतेलमा प्रतिलिटर १४ रुपैयाँ र पेट्रोल प्रतिलिटरमा पाँच रुपैयाँले बढाएको हो ।

निगमका अनुसार अब पेट्रोलको मूल्य प्रतिलिटर एक सय ७५ रुपैयाँ ५० पैसा र डिजेल तथा मट्टितेलको मूल्य एक सय ६४ रुपैयाँ ५० पैसा कायम भएको छ ।

इन्डियन आयल कार्पोरेशनबाट मूल्य बढेर आएसँगै नेपालमा पनि बढेको निगमले जनाएको छ ।

खाना पकाउने एलपी ग्यासको मूल्य भने यथावत छ । ग्यास प्रतिलिण्डिर एक हजार ६ सय ६० रुपैयाँ छ ।

इन्डियन आयल कर्पोरेसनबाट खरिद मूल्य बढेर आएरकोले  पेट्रोल र डिजलको मूल्य वृद्धि गरिएको निगमका  प्रवक्ता मनोज ठाकुरले बताए ।