प्याज निर्यातमा भारतले ४० प्रतिशत कर लगायो,नेपालमा पनि मूल्य बढ्ने

उत्पादन घटेपछी भारतले प्याज निर्यातमा ४० प्रतिशत कर लगाएको छ।

आन्तरिक बजारलाई स्थिर राख्न निर्यातमा ४० प्रतिशत कर लगाएको भारतीय सञ्चारमाध्यमले जनाएका छन् । खुद्रा बजारमा प्याजको भाउ झन्डै ६० प्रतिशतले बढेर किलोको ५० भारुसम्म पुगेपछी नियन्त्रण गर्न भारतले आउँदो डिसेम्बर अन्तिमसम्मका लागि निर्यातमा कर लगाएको हो।

भारतले प्याज निर्यातमा पहिलोपल्ट कर लगाएको हो । विश्वमा सबैभन्दा धेरै प्याज निर्यात गर्ने देश भारतले प्याज निर्यातमा कर लगाउँदा नेपालमा पनि भाउ बढ्ने व्यवसायीहरू बताउँछन् ।

नेपालले अब भारतबाट प्याज आयात गर्दा भारतमा ४० प्रतिशत निर्यात कर र नेपालमा १३ प्रतिशत भ्याट तिर्नुपर्ने हुन्छ।