धादिङका ज्यो.प तोयनाथ अर्ज्यालद्वारा लिखित आत्मवृत्तान्त“जिन्दगीका पानाहरू”लोकार्पण

धादिङ,०३ चैत ।
धादिङका ज्योतिश पण्डित तोयनाथ अर्ज्यालद्वारा लिखित आत्मवृत्तान्त “जिन्दगीका पानाहरू” लोकार्पण गरिएको छ ।अर्ज्यालको ९० औँ जन्मदिवसको उपलक्ष्यमा उहाँले लेख्नुभएको आत्मवृत्तान्त “जिन्दगीका पानाहरू”को बिहिबार नेपाल प्रज्ञा–प्रतिष्ठान,काठमाडौँमा एक समारोहका बिच लोकार्पण गरिएको हो ।

कार्यक्रमका प्रमुख अतिथि नेपाल प्रज्ञा प्रतिष्ठानका कुलपति भूपाल राई तथा विशेष अतिथिहरू प्राज्ञ सदस्य एवम् युवा आख्यानकार अमर न्यौपाने, प्रा.डा.रामचन्द्र लम्साल,नेपाली भाषा बचाऔँ अभियानका अभियन्ता डा.बलदेव शर्मा अधिकारी, लोकप्रिय सञ्चारकर्मी एवम् कवि डा. नवराज लम्साल र पूर्व प्रशासक राममणि दुवाडी,सामुदायिक रेडियो प्रसारक संघका निबर्तमान अध्यक्ष सुवास खतिवडाले ले संयुक्त रुपमा लोकार्पण गर्नुभएको हो ।

आत्मवृत्तान्त ‘जिन्दगीका पानाहरू’मा जीवनका अनेकौँ भोगाई र अनुभवहरूलाई रचनात्मक र रोमाञ्चक ढङ्गले समेटिएको छ । विमोचित कृतिमाथि टिप्पणी गर्दै प्रमुख अतिथि तथा विशेष अतिथिहरूले प्रस्तुत कृति “जिन्दगीका पानाहरू” मानव जीवनमा आइपर्ने थरी थरीका कथा–व्यथा, हाँसो–रोदन, सदाशय, सद्विचार, उत्प्रेरणा, हौसला, आरोह–अवरोह आदिले भरिपूर्ण रहेको बताउनुभयो ।

यो कृति उहाँको जीवनका कथा–व्यथाले मात्र भरिएको नभई वर्तमान र भावी पिँढीलाई समेत प्रेरणादायी र ज्ञानवर्द्धक सामग्रीयुक्त रहेको उहाँहरूले उल्लेख गर्नुभयो ।

२६ खण्ड र ६४ उपखण्ड बिभाजित आत्मवृत्तान्त ‘जिन्दगीका पानाहरू’ असाध्यै सरल भईकन सरल भाषाशैलीमा लेखिएको यो संस्मरण नेपाली साहित्यको मूल्यवान् सम्पत्तिका रूपमा सुरक्षित हुने,वर्ण–विन्यास विज्ञानलाई पालना गर्दै लेखिएको यस पुस्तकले प्रत्येक पाठकलाई प्रसन्न पार्ने धारणा समेत उहाँहरूले व्यक्त गर्नुभयो ।

साथै आफ्नो जन्मथलो र वरपरका गाउँहरुमा समेत शिक्षाको जग बसाल्न योगदान पु¥याउनु हुने लेखकले धादिङको नलाङ, नीलकण्ठको सांकोस देखि नर्वे र अमेरिकासम्मको सजीव चित्र उतार्नु भएको,उहाँसँग कृषि, प्रविधि, प्रशासन, अध्यापन र ज्योतिष–शास्त्र समेतको गहिरो ज्ञान तथा अनुभव रहेको स्पष्ट सूचना दिने यस पुस्तकले इतिहास विधामा समेत प्रभाव पार्ने धारणा टिप्पणीकर्ताहरूले व्यक्त गर्नुभएको थियो ।

पुस्तकका सर्जक अर्ज्यालका पुत्रहरु टीकानाथ अर्यालले सञ्चालन गर्नुभएको लोकार्पण कार्यक्रममा दामोदर अर्यालले स्वागत मन्तव्य राख्नुभएको थियो भने लेखनाथ अर्यालले धन्यवाद ज्ञापन गरी समारोहको समापन गर्नुभएको थियो।

समारोहमा विभिन्न साहित्यकार, समाजसेवी,बिदेशी पाहुना,आफन्तजन र संचारकर्मीहरुको उपस्थिति रहेको थियो ।

Atma britanta.pdf