लागुऔषधसहित धादिङका बिरे र मकवानपुरका निमा पक्राउ

धादिङ,०५ असार ।
काठमाडौं स्थित चन्द्रागिरी नगरपालिका–२ देउराली भञ्जाङबाट लागुऔषधसहित २ जना पक्राउ परेका छन् ।

८ सय ग्राम अवैध लागुऔषध गाँजा जस्तो देखिने वस्तुसहित धादिङ थाक्रे गाउँपालिका–७ बस्ने २४ वर्षीय बिरे तामाङ र मकवानपुर थाहा नगरपालिका–६ बस्ने २३ वर्षीय निमा स्याङतानलाई पक्राउ गरिएको प्रहरीले जानकारी दिएको छ ।

प्रहरी प्रभाग नागढुंगाबाट खटिएको प्रहरीले धुनीबेशीबाट काठमाडौंतर्फ जाँदै गरेको बा.९१ प ४५९ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त लागूऔषधसहित फेला पारी पक्राउ गरेको प्रहरीले जनाएको छ ।