मलेखुबाट साढे चार किलो चरेश र नगदसहित दुईजना पक्राउ

धादिङ । गजुरी गाउँपालिका-२ मलेखुबाट अवैध लागूऔषध ४ किलो ५ सय ३५ ग्राम चरेश र नगद ३० हजार रूपैयाँसहित दुई जना पक्राउ परेका छन् ।

पक्राउ पर्नेहरूमा गजुरी गाउँपालिका-४ बस्ने ३६ वर्षीय विजय प्रजा र ३२ वर्षीय सुरज तामाङ रहेका छन् ।

उनीहरुलाई शुक्रबार बिहान ईलाका प्रहरी कार्यालय गजुरीबाट खटिएको प्रहरीले बा.प्र.०२-०३० प ७०२५ नम्बरको मोटर साइकललाई जाँच गर्ने क्रममा उक्त लागूऔषधसहित मोटरसाइकलमा सवार दुवै जनालाई पक्राउ गरेको हो ।