ठगी मुद्धामा धादिङका भिमसेनकुमार पक्राउ

धादिङ । काठमाण्डौं उपत्यका अपराध अनुसन्धान कार्यालयले ठगी मुद्धामा धादिङका एक जनालाई पक्राउ गरेको छ।

काठमाडौँ स्थित कलंकी बस्ने नीलकण्ठ नगरपालिका ७ का ४७ वर्षिय भिमसेनकुमार श्रेष्ठलाई पक्राउ गरिएको उपत्यका अपराध अनुसन्धान कार्यालयका प्रहरी उपरीक्षक÷सूचना अधिकृत रविन्द्र रेग्मीले जानकारी दिनुभयो।

कविता उप्रेतीको जाहेरीले वादी नेपाल सरकार प्रतिवादी भिमसेन कुमार श्रेष्ठ भएको ठगी एक करोड दश लाख सम्बन्धी कसुर मुद्धाको अनुसन्धानको सिलसिलामा वारदातमा संलग्न रही फरार रहेका प्रतिवादी श्रेष्ठलाई १४ गते शुक्रबार ललितपुर, नख्खिपोटबाट पक्राउ गरिएको रेग्मीले जानकारी दिनुभयो ।

उनलाई कानुन बमोजिम अनुसन्धान गर्न जिल्ला प्रहरी परिसर,काठमाण्डौ पठाईएको प्रहरीले जनाएको छ।