सय रुपैयाँको नोटमा नेपालको नयाँ नक्सा छापिने

एक सय रुपैयाँ दरको नोटमा नेपालको नयाँ नक्सा राखेर डिजाइन गर्न स्वीकृति दिएको छ ।

सरकारले चलनचल्तीमा रहेको नोटको अग्रभागको पृष्ठभूमिमा रहेको नेपालको पुरानो नक्साको सट्टा नयाँ नक्सा राखेर नयाँ नोटको डिजाइन गर्न स्वीकृति दिएको हो ।

पछिल्लो मन्त्रिपरिषद्को बैठकले सय रुपैयाँ नोटको डिजाइन परिमार्जन गर्न स्वीकृति दिने निर्णय गरेको सरकारका प्रवक्ता एवम् सञ्चार तथा सूचना प्रविधिमन्त्री रेखा शर्माले बताउनुभयो ।

यसभन्दा पहिला सय रुपैयाँको नोटमा नेपालको पुरानो नक्सा थियो ।