सिद्धलेक-३ का बिष्णु श्रेष्ठ लागूऔषध गाँजा,ट्रामाडोल र नाईट्राभेटसहित पक्राउ

अडियोमा सुन्नुहोस

काठमाडौं । काठमाडौंको कीर्तिपुर नगरपालिका-८ पाँगास्थित युनिक एण्ड युनिशा मिट पसलबाट अवैध लागूऔषधसहित ४ जना पक्राउ परेका छन् ।

पाँगामा रहेको युनिक एण्ड युनिशा मिट पसलका सञ्चालक धादिङको सिद्धलेक गाउँपालिका-३ चालिसे घर भएका ३० वर्षीय बिष्णु श्रेष्ठसहित ४ जनालाई बिहीबार साँझ पक्राउ गरिएको प्रहरीले जनाएको छ ।

पक्राउ परेका अन्य ३ जनाको परिचय खुलाईएको छैन ।

प्रहरी वृत्त कीर्तिपुरबाट खटिएको प्रहरीले उनीहरूलाई १ किलो ४ सय ९४ ग्राम गाँजा, नियन्त्रित लागूऔषध ट्रामाडोल १ सय २० फाईल, नाईट्राभेट १ फाईल सहित पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएको छ।