सिद्धलेक-५ मा भएको बृहत निःशुल्क स्वास्थ्य शिविरमा चार सयले लिए सेवा

धादिङ । सिद्धलेक गाउँपालिका-५ मा भएको विशेषज्ञ सहितको बृहत निःशुल्क स्वास्थ्य शिविरमा चार सय जना नागरिकले सेवा लिएका छन्।

सिद्धलेक गाउँपालिकाको आयोजना,लायन्स क्लव अफ भृकुटी काठमाण्डौको समन्वय तथा मलेखु टिचिङ अस्पतालको प्राविधिक सहयोगमा वडा नम्बर ५ स्थित बाग्बच्छला माध्यमिक विद्यालयमा भएको स्वास्थ्य शिविरबाट चार सय जना नागरिकले सेवा लिएको गाउँपालिकाले जनाएको छ।

शिविरमा सुगर, प्रेसर, थाईराईड, कोलेस्ट्रोल, मुटु रोग, पेटको रोग, स्त्री रोग, भि.आई.ए. जाँच, आङ खस्ने रोग, जनरल स्वास्थ्य परिक्षण, भिडियो एक्सरे, ई.सि.जि सहितको निशुल्क स्वास्थ्य परिक्षण गरिएको गाउँपालिका अध्यक्ष परशुराम खतिवडाले जानकारी दिनुभयो ।

परिक्षण गराएका विरामीहरुलाई निशुल्क औषधी वितरण अध्यक्ष खतिवडाले बताउनुभयो।

नागरिकहरुलाई घर आँगनमै स्वास्थ्य सेवा प्रवाह गर्ने उद्धेश्यले शिविर सन्चालन गरीएको वडा नम्बर ५ का वडा अध्यक्ष बुधे घलेले बताउनुभयो ।