पहिरोका कारण अवरुद्ध सडक खुल्यो

धादिङ । पृथ्वी राजमार्गअन्तर्गत धादिङको गजुरी गाउँपालिका–६, जहरे खेतमा पहिरोका कारण अवरुद्ध भएको सडक खुलेको छ ।

सडक माथिबाट रुखसहित आएको पहिरोका कारण बिहान केहीबेर सडक दुवैतर्फ अवरुद्ध भएको थियो ।

त्यस्तै, थाक्रे गाउँपालिका–७ सात किलोमा पहिरोका कारण सवारी साधन एकतर्फी मात्र सञ्चालनमा रहेको छ ।

लगातारको वर्षासँगै राजमार्गका विभिन्न स्थानमा पहिरो खस्ने जोखिम उच्च रहेकाले सतर्क अपनाउन आग्रह गरिएको छ । filephoto