खेत जोतिरहेको ट्र्याक्टरमा परेर २ बालिकाको मृत्यु

खेत जोतिरहेको ट्र्याक्टरमा परेर महोत्तरीमा दुई जना बालिकाको मृत्यु भएको छ ।

मृत्यु हुनेमा मटिहानी नगरपालिका ४ मझौराका ईमराईनको छोरी ७ वर्षीया फरहाना खातुन र सिराहाको सिराहा नगरपालिका ११ मरडा बस्ने सम्तुला राईनको छोरी ८ वर्षीया रफिया खातुन रहेका छन् ।

दुवै बालिकाको शव पोस्टमार्टमका लागि प्रादेशिक अस्पताल जलेश्वरमा पठाएको छ । जिल्ला प्रहरी कार्यालय महोत्तरीका प्रवक्ता एवम् प्रहरी नायब उपरीक्षक (डीएसपी) शैलेन्द्र भट्टले जानकारी दिनुभयो ।

उहाँका अनुसार फरार रहेका ट्र्याक्टर चालकको खोजीसँगै घटनाबारे थप अनुसन्धान भइरहेको छ ।