झण्डै ५ किलो गाँजासहित धादिङका दुई जना पक्राउ

चितवन । अवैध लागूऔषध गाँजासहित आमा–छोरा पक्राउ परेका छन्।

पक्राउ पर्नेमा हाल चितवनको भरतपुर महानगरपालिका-३ नौघरेमा डेरा गरी बस्दै आएकी धादिङकी ६० वर्षीया ज्ञानु कुमारी श्रेष्ठ र उनका छोरा ३७ वर्षीय प्रकाश श्रेष्ठ रहेका छन्।

मंगलबार दिउँसो वडा प्रहरी कार्यालय नारायणगढबाट खटिएको प्रहरी टोलीले उनीहरू बस्दै आएको कोठामा तलासी गर्दा करिब ४ किलो ९ सय ग्राम गाँजा फेला पारेको प्रहरीले जनाएको छ।

यस सम्बन्धमा थप अनुसन्धान भइरहेको प्रहरीले जनाएको छ।