धादिङमा EUROGRIP Tyres को विशेष प्रशिक्षण: उत्कृष्ट व्यवसायी र बाइक मिस्त्री सम्मानित

धादिङ – धादिङमा सञ्चालित मोटरसाइकल वर्कशप सञ्चालक, बाइक मिस्त्री, टायर व्यवसायी तथा मोटरसाइकल मर्मतसम्भारमा संलग्न प्राविधिकहरूलाई लक्षित गर्दै EUROGRIP Tyres सम्बन्धी अभिमुखीकरण तथा अन्तरक्रिया कार्यक्रम सञ्चालन गरिएको छ।

EUROGRIP Tyres को आधिकारिक विक्रेता जगदीश्वर अटो मोटिभ्स प्रा.लि., सितापाइला काठमाडौंको आयोजनामा शनिबार गल्छि गाउँपालिका-४ मासटारमा Tyres सम्बन्धी अभिमुखीकरण कार्यक्रम सञ्चालन गरिएको  हो।

कार्यक्रममा गोल्छा कम्पनी EUROGRIP Tyres का व्यावसायिक प्रमुख बादल कुमार लवले कम्पनीका टायरको गुणस्तर, विशेषता, सही प्रयोग विधि, मोटरसाइकलअनुसार उपयुक्त टायर छनोट, टायरको आयु बढाउने उपाय तथा ग्राहकलाई गुणस्तरीय सेवा प्रदान गर्ने विषयमा विस्तृत प्रस्तुति दिनुभएको थियो। उहाँले सहभागी बाइक मिस्त्री तथा व्यवसायीलाई व्यावहारिक जानकारीसहित अभिमुखीकरण गराउनुभएको थियो ।

EUROGRIP Tyres Premium Quality, Excellent Grip, Long Life र All Weather Performance जस्ता विशेषताका कारण विभिन्न सडक तथा मौसममा उत्कृष्ट कार्यसम्पादन गर्ने टायरका रूपमा परिचित रहेको उहाँले बताउनुभयो ।

कार्यक्रममा अटो व्यवसायी संघ धादिङका अध्यक्ष इन्द्रकुमार त्रिपाठीले EUROGRIP Tyres गुणस्तरीय र विश्वसनीय उत्पादन भएको उल्लेख गर्दै कुनै शंका नगरी ढुक्क भएर प्रयोग गर्न तथा ग्राहकलाई पनि विश्वासका साथ सिफारिस गर्न आग्रह गर्नुभयो ।

त्यसैगरी,जगदीश्वर अटो मोटिभ्स प्रा.लि.ले विगत १० वर्षदेखि आफ्नो व्यवसायसँग सहकार्य गर्दै आएका  व्यवसायीहरूलाई सम्मान गरेको छ।

सम्मानित हुनेहरूमा रोशन कुमार शाह, मोहन शाह, राजकुमार दुधराज, धर्म श्रेष्ठ, अमित त्रिपाठी, भगवान शाह र चोक नारायण श्रेष्ठ रहेका छन्।

यस्तै, गोल्छा कम्पनीका EUROGRIP Tyres का व्यावसायिक प्रमुख बादल कुमार लव, कुमार केसी, प्रमेन्द्र प्रसाद रेग्मी तथा अटो व्यवसायी संघ धादिङका अध्यक्ष इन्द्रकुमार त्रिपाठीलाई समेत सम्मान गरिएको थियो।

धादिङका लागि EUROGRIP Tyres का आधिकारिक विक्रेता जगदीश्वर अटो मोटिभ्स प्रा.लि.का प्रोप्राइटर राकेश कुमार गुप्ताले व्यवसायी र प्राविधिकहरूसँगको सहकार्यलाई अझ प्रभावकारी बनाउने उद्देश्यले कार्यक्रम आयोजना गरिएको जानकारी दिनुभयो । उहाँले यस्ता अभिमुखीकरण कार्यक्रमले बाइक मिस्त्री र व्यवसायीहरूको प्राविधिक ज्ञान अभिवृद्धि गर्नुका साथै ग्राहकलाई गुणस्तरीय सेवा प्रदान गर्न सहयोग पुग्ने विश्वास व्यक्त गर्नुभयो।

कार्यक्रममा धादिङका विभिन्न स्थानबाट आएका वर्कशप सञ्चालक, बाइक मिस्त्री तथा टायर व्यवसायीहरूको उल्लेखनीय सहभागिता रहेको थियो।

आगामी दिनमा पनि यस्ता प्राविधिक अभिमुखीकरण तथा व्यवसाय प्रवर्द्धनका कार्यक्रमलाई निरन्तरता दिइने आयोजकले जनाएको छ।

काठमाडौँ सितापाईलामा रहेको जगदिश्वर अटो मोटिभ्स प्रा.ली.ले आफ्नो बिभिन्न ब्राण्ड नुवाकोट र गोरखामा पनि कारोबार गरिरहेको छ ।

अन्तरक्रिया कार्यक्रमको थप तस्विर हेर्नको लागि तलको लिकं क्लिक गर्नुहोस्

https://www.facebook.com/share/p/1E4nyiQ4d9/

जगदिश्वर अटो मोटिभ्स प्रा.लीको थप समाचारको लागि-

https://www.bagmatikalam.com/news/2025/10/13/28995/