धादिङमा कांग्रेसको गाउँ/नगर अधिवेशन एक दिन पछि सर्‍यो

धादिङ । नेपाली कांग्रेसको १५औँ महाधिवेशनअन्तर्गत धादिङ जिल्लामा हुने गाउँ/नगर अधिवेशनको मिति सरेको छ ।

यसअघि असोज ७ गते गाउँ/नगर अधिवेशन गर्ने तय भए पनि प्राविधिक कारणले उक्त दिन अधिवेशन सम्पन्न गर्न सम्भव नदेखिएको भन्दै एक दिन पछि सारिएको नेपाली कांग्रेस धादिङले जनाएको छ ।

अब अधिवेशन असोज ८ गते हुने नेपाली कांग्रेस धादिङका सहसचिव नवराज तिमल्सिनाले जानकारी दिनुभयो ।

यसैबीच, सोमबार धादिङ जिल्लाका १०४ वटै वडामा वडा अधिवेशन सम्पन्न भएको छ ।

वडा अधिवेशनबाट वडा कार्यसमिति संगै क्षेत्रीय प्रतिनिधिसमेत चयन भएका छन् ।

गाउँ/नगर अधिवेशनपछि जिल्लाको अधिवेशन प्रक्रिया थप अघि बढ्ने जनाएको छ ।