बाढी प्रभावित क्षेत्रको स्थलगत निरीक्षणमा बागमतीमा सामाजिक विकासमन्त्री तामाङ

धादिङ। बागमती प्रदेशका स्वास्थ्य तथा सामाजिक विकासमन्त्री गिरबहादुर तामाङले धादिङ र गोरखाका बाढी प्रभावित क्षेत्रको स्थलगत निरीक्षण गर्नुभएको छ।

सोमबार मन्त्री तामाङले धादिङ र गोरखालाई जोड्ने आरुघाट पुलको समेत निरीक्षण गर्नुभएको थियो।

आइतबार बुढीगण्डकी नदीमा आएको बाढीले पुल बगाएपछि प्रभावित बनेको क्षेत्रको अवस्थाबारे उहाँले जानकारी लिनुभएको हो।

पुल पुनर्निर्माण तथा सडक सम्पर्क पुनःस्थापनाको विषयमा मन्त्री तामाङले नेपाली सेना र प्राविधिक टोलीसँग छलफल गर्नुभएको थियो।