मोरक्को भूकम्पःदुई हजार बढिको मृत्यु,पुरिएकाहरुको खोजी तथा उद्धार जारी

मोरक्कोमा शक्तिशाली भूकम्पमा परेर ज्यान गुमाउनेको सङ्ख्या दुई हजार जना नाघेको छ।

घाइते हुनेहरुको सङ्ख्या पनि त्योभन्दा धेरै रहेको छ ।घाइतेमध्ये १४ सय जनाभन्दा धेरैको अवस्था गम्भीर रहेको मोरक्को सरकारलाई उद्धृत गरी बीबीसीले जनाएको छ । उनीहरुको उपचार भैरहेको छ ।

भग्नावशेषमा पुरिएकाहरुको खोजी तथा उद्धार र राहतका काम सँगसँगै भइरहेको छ ।भूकम्पलगत्तै मानिसहरु सडकमा बसिरहेका छन् ।

मोरक्कोको ‘हाइ एट्लस माउन्टेन्स’ केन्द्र बिन्दु बनाएर ६ दशमलव ८ रेक्टर स्केलको भूकम्प गएको हो।