तीन अर्ब मानिसले प्रयोग गर्दै फेसबुक,शुरु भएको २० वर्ष पूरा

अडियोमा सुन्नुहोस

सन् २००४ मा मार्क जुकरवर्गले आफ्ना केही साथीहरुसँग मिलेर शुरुवात गर्नुभएको फेसबुक अहिले तीन अर्ब मानिसले प्रयोग गर्दैआएका छन् ।

केही विद्यार्थीले २० वर्षअघि अमेरिकामा शुरु गरेको ‘द फेसबुक’ले अहिलेसम्म दर्जनौँ नयाँ डिजाइनहरु परिवर्तन गर्दै अहिले सबैभन्दा धेरै प्रयोगमा रहेको सामाजिक सञ्जालको रुपमा रहेको छ ।

अहिले विश्वभर फेसबुकका तीन अर्ब भन्दा धेरै प्रयोगकर्ता छन् । फेसबुककै मातृ कम्पनी मेटा अन्तर्गतको वाट्सएप अहिले विश्वमा प्रयोग भएको दोस्रो सामाजिक सञ्जाल हो ।

मेटाकै इन्सटाग्राम चौथो नम्बरमा छ । फेसबुकभन्दा अगाडि माईस्पेसजस्ता अरू सामाजिक सञ्जाल भए पनि फेसबुक निकै चाँडो लोकप्रिय बन्यो ।

संसारलाई अनलाइन सामाजिक गतिविधिको नयाँ युगमा प्रवेश गराएको श्रेय फेसबुकलाई नै जाने प्रविधिविज्ञहरुलाई उद्धृत गर्दै बीबीसीले जनाएको छ ।