धादिङ क्षेत्र नम्बर १ मा चुनाव परिचालन समिति गठन

अडियोमा सुन्नुहोस

धादिङ, १ कात्तिक।
धादिङको क्षेत्र नम्बर १ प्रतिनिधि सभा र प्रदेश सभाको निर्वाचनमा नेकपा एमालेलाई विजय गराउन निर्वाचन परिचालन कमिटि गठन गरिएको छ।

प्रनिधिसभा क्षेत्र नम्बर १ को निर्वाचन परिचालन समितिको संयोजकमा एमाले केन्द्रीय लेखा आयोगका सदस्य मिनराज कँडेल र सहसंयोजकमा ध्रुब शर्मा रुपाखेती र सचिवमा नरेश खतिवडा रहेका छन् । क्षेत्र नम्बर १ को निर्वाचन परिचालन समितिमा १० हजार ५१ जना रहेका छन् ।

यसैगरि प्रदेशसभा १ को क मा इन्द्रकुमार तामाङ संयोजक, सह–संयोजकमा कुमार वैरागी,सचिवमा शिव भण्डारी रहेका छन् भने ५ हजार २६ सदस्यीय रहेका छन् ।

१ को ख मा लक्ष्मण शर्मा संयोजक, सह–संयोजकमा देव प्रसाद त्रिपाठी,सचिवमा राजेन्द्र बिक्रम बस्नेत र ५ हजार २५ सदस्यीय निर्वाचन परिचालन समिति गठन गरिएको छ ।