धादिङमा राष्ट्रिय स्वतन्त्र पार्टीको चुनाव प्रचार–प्रसार तिव्र

अडियोमा सुन्नुहोस

धादिङ,०२ कात्तिक।
प्रतिनिधि सभा तथा प्रदेश सभाको निर्वाचन आउन अब ३२ दिन मात्रै बाँकी छ । निर्वाचनको मिति नजिकिएसँगै विभिन्न्न राजनैतिक दलहरु आ–आफ्नो निर्वाचन क्षेत्रमा चुनाव प्रचार–प्रसार अभियानलाई तिव्र पारेका छन् । पुर्वसञ्चारकर्मी रबि लामिछाने नेत्तृत्वको राष्ट्रिय स्वतन्त्र पार्टी चुनाव चिन्ह घण्टी लिएर देश दौरानमा रहेका छन ।

सात प्रदेशको ७७ वटा जिल्ला मध्ये धादिङ जिल्लामा पनि २ वटा प्रतिनिधिसभा निर्वाचन क्षेत्र रहेको छ । निर्वाचन क्षेत्र नम्बर १ मा कमेडियन हिमेश पन्त र निर्वाचन क्षेत्र नम्बर २ मा सफल महिला उद्यमी व्यावसायी बसुमाया तामाङ रहेकी छिन् । आफ्नो निर्वाचन क्षेत्रमा रहेको जनताको समस्या, माग, बिकास निर्माणको अवस्था र भावी योजनाको कार्यदिशा र लक्ष्यको एजेण्डाहरु लिएर यतिबेला निर्वाचन क्षेत्र नम्बर २ का उम्मेदवार तामाङ जनताको घर दैलोमा पुुगेकी छिन् ।

पटक पटक निर्वाचन जिताएर पठाउँदा पनि विकास र जनताको माग सम्बोधन गर्न नसकेको, चरम भ्रष्टाचारमा सरकार डुबेको र जनताको आक्रोश रहेको बताउदै यस पटक चुनाव चिन्ह घण्टीमा जनताले मत हाल्नुपर्ने, समग्र जिल्लासंगै देशको अवस्था बदल्ने जिम्मेवारी हामीले मात्र लिन सक्ने बताउनुभयो ।

धादिङ राजधानीसंग जोडिएको भएपनि अहिले सम्म जनताले चाहे जति बिकास, जातिय सम्मान, वर्गिय समानता, शिक्षा, स्वास्थ्य, आर्थिक र व्यवासयीक अवस्था कमजोर रहेको बताउँदै उम्मेदवार तामाङ्ले आफुले एउटा सानो उद्योगबाट विश्वमाझ नेपाल नेपालीको सीपमूलक सामाग्रीहरु उत्पादन गरि चिनाउन सफल भएको बताउनु भयो ।

यो पटक धादिङ्को बिकासमा उद्योग र स्वास्थ्य शिक्षाको प्रविधिमय बिकास, प्रत्येक स्थानीय तहहरुमा कम्तीमा ५० शैयाको प्रविधियूतm अस्पताल, कृषि, पर्यटन, जोखिमयुक्त बस्तीहरुको स्थान्तरण अपाङ्गता, अनाथ भनिएको बालबालिको संरक्षण, सञ्चार क्षेत्रको बिकास, सडक सञ्जालले प्रत्येक गाउँबस्तीमा पुग्ने गरि बिकास, धार्मिक स्थल,मठ मन्दिर गुम्बा, चर्चहरुको संरक्षण सम्वद्र्वन, भ्रष्टाचारमुक्त समाज, सेटिङ र सेन्डिकेटतन्त्रको अन्त्य र आम नागारिकलाई सुसासन सुरक्षाको ग्यारेन्टी गर्ने गरि आफ्नो उमेद्वार रहेको प्रस्ट पार्नुभयाृे ।

गत स्थानीय तह निर्वाचनको परिणाम पछि ठुला दल भन्नेहरुलाई चुनौती दिदै आईरहेको स्वतन्त्र उम्मेदवारहरुले निर्वाचित भएपश्चात गरेको कामप्रति जनता उत्साहित भएका छन् ।पछिल्लो समय राष्ट्रिय स्वतन्त्र पार्टी पनि जनतामाझ उतिकै लोकप्रिय बन्दैछ । आम नागारिकसंग प्रत्यक्ष जाडिरहने देखिने गरि बिकास गर्ने पार्टीको लक्ष्य रहेको तामाङले बताउनुभयो ।