रंगिन स्टिकर वितरण गर्ने उम्मेदवार लम्साललाई सचेत अनुगमन समितिको मौखिक स्पष्टिकरण

अडियोमा सुन्नुहोस

धादिङ,१८ कात्तिक ।
धादिङ क्षेत्र नम्बर २ को प्रदेश सभा ख का उम्मेदवार नेपाली काँग्रेसका गोबिन्द लम्साललाई निर्वाचन आयोगले सचेत गराएको छ।

लम्सालले बाक्लो कागजमा रंगिन स्टिकर बनाएर मतदाताहरुलाई वितरण गरिरहेको भेटिएपछि सचेत मतदाताले निर्वाचन अनुगमन समितिलाई उजुरी गरेको थियो ।

उजुरीका आधारमा लम्साललाई सचेत अनुगमन समितिले मौखिक रुपमा जानकारी गराइ सचेत गराएको हो । आफूले भुलबस यसकिसिमको सामाग्री उत्पादन गरेको बताउँदै यसको वितरण रोक्ने बताएको अनुगमन समितले जनाएको छ ।

निर्वाचन आउन अब १६ दिन बाँकी रहेको छ । निर्वाचन नजिकिएसंगै आचार संहिता विरुद्धका गतिविधिहरु समेत भइरहेका छन् । निर्वाचन आयोगले निर्वाचन आचार संहितामा रंगिन सामाग्री उत्पादनमा बन्देज लगाएको छ ।

यता निलकण्ठ नगरपालिका प्रमुख भिम प्रसाद ढुंगाना मतदाताहरुसंग मत माग्दै सार्वजनिक समारोहमा मन्तव्य समेत दिई रहनुभएको छ भने उपप्रमुख दिपक विकले सामाजिक संजालबाट मत माग्नु भएको छ ।

आचारसंहितामा निर्वाचित जनप्रतिनिधिले मात माग्न नपाइने उल्लेख गरेको छ ।