मतदाता शिक्षा प्रदान गर्न एमाले घर घरमा जाने

अडियोमा सुन्नुहोस

धादिङ,२० कात्तिक ।
राष्ट्रिय योजना आयोगका पूर्व उपाध्यक्ष तथा नेकपा एमालेको केन्द्रिय लेखा आयोगका अध्यक्ष डा.पुष्प कंडेलले आइतबार गजुरीमा आयोजित अगुवा कार्यकर्ता भेलालाई सम्बोधन गर्नुभएको छ ।

निर्वाचन क्षेत्र १ अन्र्तगत प्रदेश २ को नेकपा एमालेका अगुवा कार्यकर्ता भेलालाई गजुरीमा भएको कार्यक्रममा सम्बोधन गर्दै डा. कंडेलले गठबन्धनले गर्दा देश अस्थिरता तर्फ गएको, महंगी र भ्रष्ट्राचार बढेको हुँदा देशमा राजनीतिक स्थिरता,शान्ति, समृद्धि र विकासको लागि नेकपा एमालेलाई जसरी पनि जिताउन आवश्यक भएको बताउनु भएको छ ।

आगामी मंसिर ४ गते हुने प्रतिनिधि सभा तथा प्रदेश सभा निर्वाचनमा नेकपा एमाललेलाई पहिलो पार्टी बनाउन नेकपा एमालेका सबै कार्यकर्ताहरुले मतदाताको घर घरमा पुगेर सूर्य चिन्हमा मतदान गर्ने तरिकाको विषयमा शिक्षा प्रदान गर्न निर्देशन दिनुभएको छ ।

अगुवा कार्यकर्ता भेलाले मतदाता शिक्षाका लागि एमालेले समूह बनाएर टोलटोलमा कार्यकर्ता खटाउने निर्णय गरेको नेकपा एमाले जिल्ला उपसचिव राधिका सापकोटाले जानकारी दिनुभयो । कार्यक्रममा नेकपा एमाले प्रदेश कमिटी सदस्य देव प्रसाद त्रिपाठी, ध्रुब वि.क. लगायतका नेताहरुले पनि सम्बोधन गर्नुभएको थियो ।