आफ्नो कार्यकालमा जनताले अनुभुति गर्ने काम भयो : शालिकराम जम्कट्टेल

अडियोमा सुन्नुहोस

धादिङ,२६ कात्तिक ।
धादिङ क्षेत्र नं १(२) प्रदेश सभाका उम्मेदवार शालिकराम जम्कट्टेलले आफ्नो ५ बर्षे कार्यकालमा जनताले अनूभूति गर्ने काम भएको दाबी गर्नुभयो ।

शुक्रवार सिद्धलेक गाउँपालिकाको वडा नं. १, २, ३, ४ मा मतदाताहरुसंग भेटघाट गर्दै जम्कट्टेलले सो कुरा बताउनुभएको हो । बागमती प्रदेशका आर्थिक मामिला तथा योजना मन्त्री समेत रहेका जम्कट्टेलले चालु ५ वर्षको अवधिमा यस क्षेत्रको विकास निर्माण जनताको जीवन स्तर उकास्न विभिन्न योजनाहरु कार्यान्वयन गरेको बताउनु भयो ।

कृषि, शिक्षा, स्वास्थ्य, रोजगारी लगायतका क्षेत्रका आफ्नो कार्यकालमा जनताले अनूभूति गर्ने काम भएको दाबी गर्नुभयो । आगामी दिनमा पनि जनताको माग र आवश्यकता अनुसार विभिन्न योजना तथा बजेट मार्फत सर्मद्धिको यात्रामा लागिरहेने प्रतिवद्धता पनि जनाउनु भएको छ ।