धादिङका मतदान केन्द्रमा २ हजार ४२२ कर्मचारी

अडियोमा सुन्नुहोस

धादिङ,०३ मंसिर ।
भोलि आईतबार हुने प्रतिनिधिसभा र प्रदेससभा निर्वाचनका लागि धादिङमा २ हजार ४ सय २२ कर्मचारी खटिएका छन् ।

दुई प्रतिनिधि सभा र ४ प्रदेश सभा रहेको धादिङमा जिल्लाभर ३०३ जना मतदान अधिकृत,३०३ जना सहायक मतदान अधिकृत खटाईएको जिल्ला निर्वाचन कार्यालय धादिङका निर्वाचन अधिकृत सन्तोष कुमार श्रेष्ठले जानकारी दिनुभयो ।

यस्तै मतदानका लागि जिल्लाभर १५ सय १३ जना सहायक कर्मचारी र ३०३ जना कार्यालय सहायक खटाईएको छ । प्रत्येक मतदान केन्द्रमा स्वयंसेवकहरु पनि परिचालन गरिएकोे श्रेष्ठले बताउनुभयो ।

यसैगरी निर्वाचन आयोगले धादिङ जिल्ला कारागारलाई अस्थायी मतदान केन्द्र तोकेको छ ।अस्थायी मतदान केन्द्रबाट प्रतिनिधि सभा सदस्यको समानुपातिक तर्फ मात्रैको मतदान गर्न सकिने आयोगले जनाएको छ ।

जिल्लामा १ लाख ३५ हजार ४०१ पुरुष र १ लाख ३० हजार ५९४ महिला र १ जना अन्य मतदाता गरी २ लाख ६५ हजार ९९६ मतदाता निर्वाचनमा सहभागी हुनेछन् । धादिङमा आधिकारिक दल र स्वतन्त्र गरी प्रतिनिधिसभामा २८ जना र प्रदेशसभामा ३८ जना उम्मेदवार छन्।