धादिङमा १२ः४५ बजेसम्म २२.३८ प्रतिशत मत खस्यो

अडियोमा सुन्नुहोस

धादिङ,०४ मंसिर ।
धादिङमा १२ः४५ बजेसम्म २२.३८ प्रतिशत मत खसेको छ । जिल्ला निर्वाचन कार्यालय धादिङका अनुसार जिल्लाका सबै मतदान केन्द्रमा गरेर दिउँसो १२ः४५ बजेसम्म ५९ हजार ५४१ मत खसेको हो ।

जसमा महिला २४ हजार ३९४ र पुरुष ३५ हजार १४७ जनाले मतदान गरेका छन् ।जिल्लाको त्रिपुरासुन्दरी गाउँपालिका वडा नं ७ को मतदान केन्द्रमा बिबाद हुदाँ केहीबेर मतदान स्थगित भएको र हाल पुन मतदान सुरु भएको निर्वाचन कार्यालयले जनाएको छ ।

अहिले सबै केन्द्रमा मतदान शान्तिपूर्ण रुपमा सञ्चालन भैरहेको जनाएको छ ।
तस्विर : धादिङ क्षेत्र नं १ को सिद्धलेक गाउँपालिका– २ को मतदान केन्द्रमा मतदान गर्दै मतदाता