

धादिङ,०४ मंसिर।
धादिङमा आइतबार सम्पन्न भएको प्रतिनिधिसभा तथा प्रदेशसभा सदस्यको मतदानमा ५५.९५ प्रतिशत मत खसेको छ ।
धादिङमा दुई लाख ६५ हजार ९९६ मतदाता रहेकोमा १ लाख ४८ हजार ८ सय ३९ मत खसेको निर्वाचन कार्यालय धादिङका निर्वाचन अधिकृत सन्तोष कुमार कुमार श्रेष्ठले जानकारी दिनुभयो ।
जिल्लामा ७० हजार १ सय ६३ महिला र ७८ हजार ६ सय ७६ जना पुरुषले मतदान गरेका छन् । ११४ मतदान स्थल अन्तर्गत ३०३ मतदान केन्द्र र १ अस्थायी मतदान केन्द्रबाट मतदान भएको श्रेष्ठले बताउनुभयो । अस्थायी मतदान केन्द्र अन्तरगत जिल्ला कारागार धादिङबाट ६१ जना कैदीबन्दी सहित ११२ जनाले मतदान गरेका छन् ।
जिल्लामा शान्तिपुर्ण रुपमा मतदान भएको निर्वाचन कार्यालय धादिङका निर्वाचन अधिकृत सन्तोष कुमार कुमार श्रेष्ठले बताउनुभयो ।जिल्लामा १ लाख ३५ हजार ४०१ पुरुष र १ लाख ३० हजार ५९४ महिला र १ जना अन्य मतदाता गरी २ लाख ६५ हजार ९९६ मतदाता थिए ।
जिल्लामा निर्वाचन व्यवस्थापन तथा सुरक्षाको लागि १६ सय म्यादी सहित २५ सय सुरक्षाकर्मी र २ हजार ४२२ कर्मचारी खटिएका थिए ।दुई प्रतिनिधि सभा तर्फ चार प्रदेश रहेको धादिङमा आधिकारिक दल र स्वतन्त्र गरी प्रतिनिधिसभामा २८ जना र प्रदेशसभामा ३८ जना चुनावी मैदानमा छन् ।





आर आर मिडिया हाउसद्वारा संचालित
बागमती कलम डट कम (bagmatikalam.com)
मुख्य कार्यालय : सिद्धलेक गा.पा.-२, धादिङ
सम्पर्क कार्यालय : नीलकण्ठ न.पा.-३, धादिङबेसी,धादिङ
ईमेल: [email protected]
सम्पर्क फोन- ९८६६०७७७९९, ९८६०७२७११२
सञ्चार रजिष्ट्रारको कार्यालय,वागमती प्रदेश द.नं :
००१५८-२०७९/०८०
सूचना विभाग दर्ता नम्बर: ३७१९-२०७९/०८०
प्रेस काउन्सिल दर्ता न: ३७०७
| संचालक तथा सम्पादक: | अनिल कुमार नेपाली |
| सह सम्पादक: | प्रकाश अछामी | कार्यक्रारी सम्पादक: | बिनोद तमु |
| ब्यबस्थापक: | |
| कानूनी सल्लाहकार: | |
| बजार ब्यबस्थापक: |