धादिङ–१ को प्रदेशसभा ‘ख’ मा माओवादी केन्द्रका जम्मकटेल बिजयी

धादिङ,०८ मंसिर ।
धादिङको क्षेत्र नं १ को प्रदेश सभा ‘ख’ मा नेकपा माओवादी केन्द्रका शालिकराम जम्मकटेल बिजयी भएका छन् ।

जम्मकटेल ७ हजार ४२७ मतान्तरले विजयी भएका हुन् । धादिङ क्षेत्र नम्बर १ को प्रदेश सभा ख मा कुल ६२ हजार ९४१ मतदाता रहेकोमा २९ हजार ६७९ मत खसेको थियो । बिजयी जम्मकटेलले १९ हजार ९०३ प्राप्त गरे । उनका निकटतम प्रतिद्वन्दी नेकपा एमालेका गजेन्द्र थपलियाले १२ हजार ४७६ प्राप्त गरे ।

धादिङको यस क्षेत्रमा एमाले एक्लै चुनावी मैदान थियो भने सत्ता गठबन्धनका तर्फबाट नेपाली काँग्रेस, माओवादी केन्द्र र नेकपा एसको गठबन्धन रहेको थियो ।

बिजयी जम्मकटेल यसअघि २०७४ को निर्वाचनमा वाम गठबन्धनबाट प्रदेशसभा सदस्यमा निर्वाचित भएका थिए । उनले लोकतान्त्रिक गठबन्धनका उम्मेदवार नेपाली कांग्रेसका प्रभातकिरण सुवेदीलाई पराजित गरेका थिए ।

माओवादी केन्द्रका पोलिट्व्युरो सदस्य रहेका जम्मकटेलले बागमती प्रदेश सरकारमा दुई वटा मन्त्रालय सम्हालिसकेका छन् ।