धादिङ–१ बाट निर्वाचित प्रतिनिधिसभा तथा प्रदेशसभा सदस्यलाई प्रमाणपत्र प्रदान

अडियोमा सुन्नुहोस

धादिङ,१२ मंसिर ।
मंसिर ४ गते भएको निर्वाचनबाट धादिङ क्षेत्र नं–१ प्रतिनिधिसभा तथा प्रदेशसभामा निर्वाचित सदस्यहरुलाई प्रमाणपत्र प्रदान गरिएको छ ।

सोमबार बैरेनीमा आयोजित एक कार्यक्रममा बीच निर्वाचन अधिकृतको कार्यालयले प्रतिनिधी सभा सदस्यमा निर्वाचित राजेन्द्र प्रसाद पाण्डे, प्रदेश सभा सदस्यमा निर्वाचित मधुकुमार श्रेष्ठ र शालिकराम जम्कट्टेललाई प्रमाणपत्र प्रदान गरेको हो ।

प्रमाणपत्र ग्रहण पछि बाम लोकतान्त्रिक गठबन्धनले राजमार्गका बिभिन्न क्षेत्रमा धन्यवाद सभाको आयोजना गरेको थियो । भोलि मँगलबार दिउँसो १ बजे गल्छि, २ः३० बजे महादेववेशी र अपरान्ह ४ बजे धार्केबजारमा धन्यवाद सभाको आयोजना हुने भएको छ ।

सभामा खादा, माला र अबिर बिना सहभागी हुन बाम लोकतान्त्रिक गठबन्धन प्रतिनिधी सभा क्षेत्र नम्बर १ धादिङको निर्वाचन परिचालन समितीले आग्रह गरेको छ ।