स्ववियु निर्वाचन : धादिङको नेत्रावती क्याम्पसमा सभापतिसहित ५ पद सर्वसम्मत

धादिङ,२७ फागुन ।
स्ववियु निर्वाचन अन्तरगत धादिङको नेत्रावती सामुदायीक क्याम्पसमा सभापतिसहित ५ पदमा सर्वसम्मत निर्वाचित भएका छन् ।

त्रिपुरासुन्दरी गाउँपालिकामा अवस्थित उक्त क्याम्पसको स्ववियु सभापति मा अखिल (क्रान्तिकारी) बाट सिता तिमल्सिना सभापति सर्वसम्मत चयन हुनुभएको छ।

यस्तै अनेरास्ववियुका तर्फबाट उम्मेदवार भएका सचिव सहित ४ जना सर्वसम्मत निर्वाचित भएका छन् । स्ववियु निर्वाचनको मनोनयन दर्ताको समयमा अन्य व्यक्तिको उम्मेदवारी नपरेका कारण सर्वसम्मत भएको हो ।

सचिवमा अनेरास्ववियुका उम्मेदवार कोपिला अधिकारी, सहकोषाध्यक्षमा दुर्गा परियार, सदस्य सन्तोष धरेल र सदस्यमा विनोद धरेल सर्वसम्मत निर्वाचित भएका छन् । अनेरास्ववियुले अनेरास्ववियु(क्रान्तिकारी)संग गठबन्धन गरेर उम्मेदवारी दर्ता गराएको थियो ।