चितवन आमन्त्रण तेक्वान्दो प्रतियोगितामा धादिङ प्रथम

अडियोमा सुन्नुहोस

धादिङ,१९ कात्तिक ।
चितवन आमन्त्रण तेक्वान्दो प्रतियोगिता–२०७९ मा धादिङ प्रथम भएको छ।

सौराहा तेक्वान्दो डोजाङको आयोजनामा कात्तिक १८ र १९ गते चितवनको रत्ननगरमा सम्पन्न प्रतियोगितामा ३ स्वर्ण, २ रजत र १ कास्य पदक सहित धादिङ जिल्ला प्रथम भएको हो ।

प्रतियोगितामा धादिङका पावल तामाङ, प्रमिता तामाङ र राजु तामाङले स्वर्ण कविन कुमाल, गौतम श्रेष्ठले रजत र रविन कुमालले कास्य पदक जितेका नेपाल तेक्वान्दो संघ धादिङका अध्यक्ष प्रदिप गिरीले जानकारी दिनुभयो ।

बिभिन्न जिल्लाका २५ टिम सहभागि प्रतियोगितामा धादिङका पावल तामाङ उत्कृष्ट खेलाडी घोषित भएका थिए।