नगर स्तरिय राष्ट्रपति रनिङ शिल्डको उपाधि नीलकण्ठ माविले जित्यो

धादिङ,१६ माघ ।
नीलकण्ठ नगरपालिका स्तरिय राष्ट्रपति रनिङ शिल्डको उपाधि नीलकण्ठ माध्यमिक विद्यालयले जितेको छ। नीलकण्ठ नगरपालिकाको आयोजनामा धादिङबेसीमा भएको राष्ट्रपति रनिङ शिल्ड प्रतियोगितामा १७ स्वर्ण सहित नीलकण्ठ माविले उपाधि जितेको हो।

प्रतियोगितामा ७ स्वर्ण सहित बालमन्दिर दोस्रो, ५ स्वर्ण सहित चन्डेश्वरी मावि तेस्रो र ५ स्वर्ण सहित एड्भान्स एकेडेमीले चौथो हुन सफल भएको नीलकण्ठ नगरपालिकाले जनाएको छ ।

स्वर्ण पदक बराबर भएपछि अन्य मापदण्डका आधारमा चण्डेश्वरी मावि तेस्रो भएको हो। प्रतियोगितामा बिजयी विद्यार्थीहरुलाई नगरपालिकाका उप प्रमुख दिपक विश्वकर्माले शिल्ड,प्रमाणपत्र र मेडलद्धारा पुरस्कृत गर्नुभएको छ ।

शुक्रबारबाट सुरुभएको उक्त प्रतियोगिता आईतबार सम्पन्न भएको हो । २८ सरकारी र ५ निजी गरी ३३ माध्यामिक विद्यालय रहेको नीलकण्ठ नगरपालिकामा २१ वटा माविहरुले भाग लिएका थिए ।