भोलि नलाङ ठाँटीदेखि सिद्धबाबा मन्दिरसम्म महिला/पुरुष मिनि म्याराथुन हुने

अडियोमा सुन्नुहोस

धादिङ,०६ फागुन।
महाशिवरात्रिको अवसरमा धादिङको सिद्धलेक गाउँपालिका–२ स्थित नलाङमा मिनि म्याराथुन प्रतियोगीता हुने भएको छ ।

“धार्मिक एवं ऐतिहासिक स्थलहरुको संरक्षण र पर्यटन प्रवर्धनमा युवाहरु” भन्ने नाराका साथ चक्रदेवी सामुदायिक समाज नेपाल, नलाङ मोडेल एकेडेमी, र द यिअर्ली ट्रष्ट एवं नेपाल एकेडेमीको संयोजनमा भोलि शनिबार नलाङ ठाँटी भञ्ज्याङदेखि सिद्धबाबा मन्दिरसम्म मिनि म्याराथुनको आयोजना गरिएको छ ।

प्रतियोगितामा ४ समुह बिभाजन गरिएको छ । जसमा पुरुष १५ वर्ष भन्दा माथी, महिला १५ वर्ष भन्दा माथी, पुरुष १५ वर्ष भन्दा मुनि र महिला १५ वर्ष भन्दा मुनि रहेको आयोजकले जानकारी दिएको छ ।

नलाङ ठाँटी भञ्ज्याङवाट बिहान ८ बजेबाट सुरु भई सिद्धबाबा मन्दिर सिद्धलेकमा समापन हुने दौडमा प्रथम, द्धितिय, तृतीय हुनेलाई नगद, प्रमाणपत्र र मेडल प्रदान गरिने आयोजकले जनाएको छ ।

सहभागिहरुलाई”TOGEHER FOR PROMOTING TOURISM AND CULTURAL HERITAGE” लेखिएको जर्सि वितरण गरिने र सहभागिहरुलाई सिद्धबाबा मन्दिरमा नास्ताको समेत व्यवस्था गरिएको आयोजकले जानकारी दिएको छ ।