धादिङवेशीमा राष्ट्रिय र्‍याङ्कीङ तथा जिल्ला स्तरीय ब्याडमिन्टन प्रतियोगिता : आज औपचारिक उद्घाटन

धादिङ,२३ चैत ।
धादिङवेशीमा राष्ट्रिय ¥याङ्कीङ तथा जिल्ला स्तरीय खुल्ला ब्याडमिन्टन प्रतियोगिता तेस्रो मेयर कप २०७९ सुरु भएको छ ।

नीलकण्ठ नगरपालिकाको आयोजना तथा जिल्ला ब्याडमिन्टन संघ धादिङको व्यवस्थापन र नेपाल ब्याडमिन्टन संघ काठमाडौंको प्राविधिक सहयोगमा सुरु भएको प्रतियोगिताको आज बिहिबार औपचारिक उद्घाटन गरिएको छ ।

खेलहरु यसअघि नै सुरु भएकोमा आज नीलकण्ठ नगरपालिकाका प्रमुख भिम प्रसाद ढुङ्गानाले उद्घाटन गरेसँगै प्रतियोगिता औपचारिक रुपमा सुरु भएको हो ।

उद्घाटन पश्चात सम्बोधन गर्दै नगरपालिकाका प्रमुख ढुङ्गानाले जिल्लामा ब्याडमिन्टन खेलतर्फ आर्कषण थपिँदै गएको बताउनुभयो। उहाँले यस प्रतियोगितामा राष्ट्रियस्तरका खेलाडीसमेत सम्मिलित भएकाले प्रतिस्पर्धा रोचक देखिएको बताउनुभयो । नयाँ प्रतिभालाई प्रोत्साहन गर्दै यस क्षेत्रको पर्यटकीय विकासका लागि प्रतियोगिता आयोजना गरिएको ढुङ्गानाको भनाई छ ।

त्यसैगरी नगरपालिकाका उपप्रमुख दिपक विश्वकर्माले शारीरिक तन्दुरुस्तीका लागि व्याडमिन्टन खेल आवश्यक रहेको बताउनुभयो। खेलकुदले मानिसलाई अनुशासनमा राख्ने र यसले शारिरिक तथा मानसिक विकासमा समेत सहयोग पुग्ने भन्दै विश्वकर्माले थप पूर्वाधारका लागि नगरपालिकाले सहयोग गर्ने बताउनुभयो ।

नगरपालिकाका प्रमुख ढुङ्गानाको अध्यक्ष्यतामा भएको उद्घाटन समारोहमा प्रमुख जिल्ला अधिकारी रमेश ढकाल, प्रहरी उपरिक्षक गौतम मिश्र,बिभिन्न वडाका वडाध्यक्षहरु,बिभिन्न संघसस्थाका प्रमुख एवम प्रतिनिधिहरु लगाएतको उपस्थिती रहेको थियो ।

प्रतियोगितामा कास्की, चितवन, काठमाडौँ, ललितपुर, मोरङ ,सुनसरी , ३ बिभागिय टिम लगाएतबाट २२० खेलाडी सहभागि छन् । धादिङबेशीस्थित कबड्डी हलमा चैत २५ गतेसम्म सञ्चालन हुने प्रतियोगितामा बिभिन्न ९ विधामा प्रतिस्पर्धा भइरहेको धादिङ ब्याडमिन्टन संघका अध्यक्ष बिष्णुलाल श्रेष्ठले जानकारी दिनुभयो ।

जसमा जिल्ला स्तर पुरुष युगल बि, राष्ट्रिय स्तर १७ बर्ष मुनिका केटा एकल, राष्ट्रिय स्तर १७ बर्ष मुनिका केटी एकल, राष्ट्रिय स्तर पुरुष एकल, राष्ट्रिय स्तर महिला एकल, राष्ट्रिय स्तर पुरुष युगल(¥याकिंङ २० बाहेक मात्र), राष्ट्रिय स्तर निर्वाचित जनप्रतिनिधी पुरुष युगल, राष्ट्रिय स्तर भेन्ट्रास ४५ बर्ष माथि पुरुष युगल र राष्ट्रिय स्तर भेन्ट्रास ५५ बर्ष माथि पुरुष युगल रहेको अध्यक्ष श्रेष्ठले बताउनुभयो।

श्रेष्ठका अनुसार जिल्ला स्तर पुरुष युगल बितर्फ प्रथम पुरस्कार ३० हजार, द्धित्तिय २० हजार र तृतीय १५ हजार( शिल्ड मेडल र प्रमाणपत्र), राष्ट्रिय यु १७ बर्ष मुनिका केटा एकलतर्फ प्रथम २५ हजार, द्धित्तिय १५ हजार र तृतीय १२ हजार( शिल्ड मेडल र प्रमाणपत्र), राष्ट्रिय स्तर १७ बर्ष मुनिका केटी एकलतर्फ प्रथम २५ हजार, द्धित्तिय १५ हजार र तृतीय १२ हजार( शिल्ड मेडल र प्रमाणपत्र) रहेको छ ।

यस्तै राष्ट्रिय स्तर पुरुष एकलतर्फ प्रथम ५१ हजार, द्धित्तिय ३४ हजार र तृतीय २० हजार( शिल्ड मेडल र प्रमाणपत्र), राष्ट्रिय स्तर महिला एकलतर्फ प्रथम ३५ हजार, द्धित्तिय २२ हजार र तृतीय १५ हजार( शिल्ड मेडल र प्रमाणपत्र), राष्ट्रिय स्तर पुरुष युगल(¥याकिंङ २० बाहेक मात्र) तर्फ प्रथम ४० हजार, द्धित्तिय २५ हजार र तृतीय १८ हजार( शिल्ड मेडल र प्रमाणपत्र) रहेको छ ।

यसैगरी राष्ट्रिय स्तर निर्वाचित जनप्रतिनिधी पुरुष युगलतर्फ प्रथम ३५ हजार, द्धित्तिय २२ हजार र तृतीय १५ हजार( शिल्ड मेडल र प्रमाणपत्र),राष्ट्रिय स्तर भेन्ट्रास ४५ बर्ष माथि पुरुषतर्फ प्रथम ३५ हजार( शिल्ड मेडल र प्रमाणपत्र), द्धित्तिय २२ हजार र तृतीय १५ हजार(शिल्ड मेडल र प्रमाणपत्र) रहेको छ भने राष्ट्रिय स्तर भेन्ट्रास ५५ बर्ष माथि पुरुष युगलतर्फ प्रथम ३५ हजार, द्धित्तिय २२ हजार र तृतीय १५ हजार र शिल्ड मेडल र प्रमाणपत्र रहेको धादिङ ब्याडमिन्टन संघका अध्यक्ष श्रेष्ठले बताउनुभयो ।

संघका अध्यक्ष श्रेष्ठका अनुसार उक्त प्रतियोगितामा पुरस्कार राशिमात्रै ८ लाख ६ हजार २५० रहेको छ । प्रतियोगितामा साँढे २० लाख भन्दा बढि खर्च हुने अनुमान गरिएको छ ।