सत्यदेबीमा अन्तरपालिका भलिबल : खनियाबास गाउँपालिका प्रथम

धादिङ,३० चैत ।
धादिङको खनियाबास गाउँपालिका–५ सत्यदेवीमा भएको अन्तरपालिका भलिबल प्रतियोगितामा खनियाबास गाउँपालिका प्रथम भएको छ ।

प्रथम राम बहादुर तामाङ(सेक्के) स्मृति कप अन्तरपालिका भलिबल प्रतियोगिता अन्तरगत बुधबार भएको फाईनल खेलमा रुवी भ्याली गाउँपालिकालाई पराजित गर्दै आयोजक खनियाबास गाउँपालिका प्रथम भएको हो ।

प्रथम भएको खनियावासले नगद १ लाख पुरस्कार सहित ट्रफी, मेडर र प्रमाणपत्र पाएको छ भने दास्रो भएको रुवी भ्यालीले नगद ७५ हजारसहित ट्रफी मेडल र प्रमाणपत्र प्राप्त गरेको छ ।

त्यस्तै तेस्रो भएको सिद्धलेक गाउँपालिकाले नगद ५० हजारसहित ट्रफी मेडल र प्रमाणपत्र पाएकोे छ । गंगाजमुना गाउँपालिका चौथो भएको छ ।वडा नं ५ का वडाअध्यक्ष रविन कुमार तामाङको अध्यक्षतामा भएकोसमापन समारोहमा गाउँपालिकाका अध्यक्ष रणबहादुर तामाङको प्रमुख आतिथ्य तथा उपाध्यक्ष सेक्केमान तामाङ र निमित्त प्रमुख प्रशासकीय अधिकृत नवराज श्रेष्ठको विशेष आतिथ्यता रहेको थियो ।

खनियाबास गाउँपालिकाको आयोजनामा सोमबारदेखी सुरु भएको प्रतियोगितामा धादिङ र नुवाकोटका गरि ९ टिम सहभागी थिए । प्रतियोगिताको सोमबार धादिङका प्रमुख जिल्ला अधिकारी रमेश ढकालले उद्घाटन गर्नुभएका थियो ।