धादिङको सिद्धलेकले जित्यो तीन जिल्लाको अन्तरपालिका स्तरीय भलिबलको उपाधी

धादिङ,१२ बैशाख ।
नुवाकोटको म्यागङ गाउँपालिका–५ मा भएको अन्तरपालिका स्तरीय भलिबल प्रतियोगिताको उपाधी धादिङको सिद्धलेक गाउँपालिकाले जितेको छ ।

सामरीमा मंगलबार भएको फाईनल खेलमा नुवाकोटको तादी गाउँपालिकालाई पराजित गर्दै नुवाकोट, रसुवा र धादिङ तीन जिल्लाको अन्तरपालिका स्तरीय खुल्ला पुरुष भलिबल प्रतियोगिताको उपाधी सिद्धलेकले जितेको हो ।

उपाधी जितेसँगै सिद्धलेक गाउँपालिकाले नगद दुई लाख पाएको छ । दोस्रो भएको नुवाकोटको तादीले १ लाख र तृतिय भएको धादिङकै खनियाबासले ५० हजार हात प्राप्त गरेको छ ।

उपाधी जितेको सिद्धलेक गाउँपालिकाले नुवाकोटको पन्चकन्या, किस्पाङ गाउँपालिका, रसुवाको नौकुण्ड गाउँपालिका र धादिङकै खनियाबास गाउँपालिकालाई पराजित गर्दै फाईनल पुगेको सिद्धलेकका खेलाडी बिदुर इटनीले जानकारी दिनुभयो ।