जापान गोजु–रियो कराँते–डो केन्वाकाई धादिङको अध्यक्षमा लामा

धादिङ,१४ भदौ ।
जापान गोजु–रियो कराँते–डो केन्वाकाई नेपाल एशोसिएसन धादिङको अध्यक्षमा राजन लामा चयन भएका छन्।

बिहिबार गजुरी ६ आदमघाटमा सम्पन्न एशोसिएसनको तेस्रो अधिवेशनले लामाको अध्यक्षतामा ९ सदस्यीय नयाँ कार्य समिति चयन गरेको छ ।

कार्यसमितिको उपाध्यक्षमा पुरुषोत्तम अधिकारी र अनिल मल्ल, सचिवमा रणबहादुर आले, कोषाध्यक्षमा सुदिप तामाङ र सदस्यहरुमा सनिस श्रेष्ठ, सिजन तामाङ, गिता शाक्य, प्रह्लाद भण्डारी चयन भएका छन् ।

कार्यक्रममा जिल्ला खेलकुद विकास समिति धादिङका अध्यक्ष प्रतापसिंह तामाङको प्रमुख आतिथ्यता रहेको थियो।