नेशनल किक बक्सिङ एसोसिसयन धादिङको अध्यक्षमा विनोद खतिवडा चयन

धादिङ,१५ भदौ।
नेशनल किक बक्सिङ एसोसिसयन धादिङको अध्यक्षमा विनोद खतिवडा चयन भएका छन् ।

शुक्रबार गल्छी गाउँपालिका ७ मा सम्पन्न एसोसिसयनको पहिलो अधिवेशनले खतिवडाको अध्यक्षतामा १४ सदस्यीय कार्यसमिति सर्बसम्मत चयन गरेको छ ।

कार्यसमितिको उपाध्यक्षमा विष्णु खड्का, नमराज नेपाल र प्रकाश उप्रेती, सचिवमा रञ्जित अधिकारी, कोषाध्यक्षमा रविना वाग्लेलाई चयन गरेको छ ।

यस्तै सदस्यहरुमा सुदिप खतिवडा, अरुण सुवेदी, आरम श्रेष्ठ, सुदिप बोहोरा, बालकृष्ण खतिवडा, मोहन खाती, प्रविण खतिवडा चयन भएका छन् ।

अध्यक्षमा चयन भएका खतिवडाले राष्ट्रिय तथा अन्तराष्ट्रिय प्रतियोगिता खेलिसकेका छन् । कार्यक्रममा जिल्ला खेलकुद विकास समिति धादिङका अध्यक्ष प्रतापसिंह तामाङको प्रमुख आतिथ्यता तथा नेशनल किक बक्सिङ एसोसिसयन नेपालका सचिव उत्तम श्रेष्ठको बिशेष आतिथ्यता रहेको थियो।