त्रिदेशीय टी–२० क्रिकेटको उपाधिका लागि नेपाल र यूएई भिड्दै

अडियोमा सुन्नुहोस

नेपालले आज त्रिदेशीय टी–२० अन्तर्राष्ट्रिय क्रिकेट शृङ्खलाको फाइनलमा यूएईसँग खेल्दैछ । खेल बिहान ११ बजे त्रिवि क्रिकेट मैदान कीर्तिपुरमा शुरु हुने छ ।

नेपालले हङकङ र यूएईलाई समान २/२ खेलमा हराएको थियो । यूएईले हङकङलाई १ खेलमा हराउँदै नेट रनरेटका कारण फाइनलमा पुगेको हो । नेपालले पछिल्लो खेलमा यूएईलाई ५ विकेटले हराएको थियो ।

आईसीसी टी–२० विश्वकप छनोटको तयारी स्वरूप नेपाल क्रिकेट सङ्घ (क्यान) ले त्रिदेशीय टी–२० क्रिकेट शृङ्खलाको आयोजना गरेको हो ।filephoto