टी–२० विश्व कप छनोट भोलिदेखि:नेपालले पहिलो खेल सिङ्गापुरसँग खेल्ने

अडियोमा सुन्नुहोस

टी–२० विश्व कप एसिया क्षेत्र छनोट प्रतियोगिता भोलिदेखि सुरु हुँदैछ ।नेपालको पहिलो खेल भोली सिङ्गापुरसँग हुने नेपाल क्रिकेट सङ्घ क्यानले जनाएको छ ।

नेपालले दोस्रो खेल कात्तिक १४ गते मङ्गलवार मलेसिया र तेस्रो खेल कात्तिक १६ गते ओमानसँग खेल्नेछ ।

नेपाल रहेको समूह ुएु मा सिङ्गापुर, ओमान र मलेसिया छन् । समूह ुबीु मा यूएई, बहराइन, हङकङ र कुवेत छन् । यस छनोटको फाइनल पुग्ने दुई टोलीले अर्को वर्ष अमेरिका र वेस्ट इन्डिजमा आयोजना हुने टी–२० विश्व कप खेल्न पाउने छन् ।

नेपालले छनोटका लागि रोहित कुमार पौडेलको कप्तानीमा १५ सदस्यीय टोलीको घोषणा गरिसकेको छ ।त्रिवि क्रिकेट मैदान कीर्तिपुर र मूलपानी क्रिकेट मैदानमा हुने छनोट प्रतियोगिता भोलिदेखि आउँदो १९ गतेसम्म आयोजना हुँदैछ।