टी–२० विश्व कप छनोट: आज नेपालले ओमानसँग खेल्दै

अडियोमा सुन्नुहोस

आईसीसी टी–२० विश्व कप एसिया क्षेत्र छनोट अन्तरगत आज नेपालले ओमानसँग खेल्दैछ ।यो खेल बिहान ९ बजे कीर्तिपुर खेल मैदानमा शुरु हुनेछ ।

समूह ‘ए’ मा रहेको नेपालले सिङ्गापुरलाई ८ विकेटले हराएको थियो भने मलेसियालाई ६ विकेटले हराएको थियो ।

नेपाल र ओमानबीचको खेलले समूह ‘ए’ को विजेता तय गर्नेछ । दुवै टोली सेमिफाइनलमा पुगेका छन् ।

टी–२० मा नेपाल र ओमानबीच चार खेल भएको छ ।जसमा नेपाल तीन र ओमान एक खेलमा विजयी भएको छ ।