फिफा विश्वकप छनोटमा आज नेपालले यूएईसँग खेल्दै

अडियोमा सुन्नुहोस

फिफा विश्वकप छनोटमा आज नेपालले यूएईसँग खेल्दछ।

विश्वकप सन् २०२६ र एएफसी एसिया कप सन् २०२७ को संयुक्त छनोट अन्तर्गत दोस्रो चरणको पहिलो खेलमा नेपालले आज दुबईको अल माक्तोउम स्टेडियममा यूएईसँग खेल्दैछ ।

समूह एचमा रहेका नेपाल र यूएईबीचको खेल आज राति नेपाली समय अनुसार साढे ९ बजे शुरु हुनेछ।

सन् १९८४ मा एसिया कप छनोटमा नेपालले पहिलोपटक यूएईसँग खेलेको थियो । त्यसबेला नेपाल ११–० गोलको फराकिलो अन्तरले पराजित भएको थियो।

समूहमा नेपालसँगै यूएई, बहराइन र यमन छन्। फिफा वरीयतामा यूएई ६९औँ स्थानमा छ।

बहराइन ८३ औँ र यमन १५६ औँ स्थानमा रहदा नेपाल १७३ औँ स्थानमा छ।

नेपालले मंसिर ५ मा यमनसँग दोस्रो खेल खेल्नेछ । यो खेल दशरथ रंगशालामा हुनेछ।

दोस्रो चरणका खेलहरू होम एन्ड अवेका आधारमा हुनेछन् । दोस्रो चरणको छनोटको अन्तिम खेल जुन ६ तारिखमा हुनेछ।

चार टोलीमध्ये शीर्ष दुई टोली एसिया कपमा छनोट हुनेछन् भने विश्वकपको तेस्रो चरणका लागि छानिनेछन्।

पहिलो चरणमा नेपालले लाओसलाई समग्रमा २–१ गोल अन्तरले हराएर दोस्रो चरणमा स्थान बनाएको थियो।file photo