एसीसी १९ वर्षमुनिकाे एसिया कपमा आज नेपालले पाकिस्तानसँग खेल्दै

अडियोमा सुन्नुहोस

आजदेखि एसीसी १९ वर्षमुनिकाे एसिया कप शुरु हुँदैछ।

संयुक्त अरब इमिरेट्स (यूएई) मा नेपालले पहिलो खेल आज पाकिस्तानसँग खेल्दैछ। खेल बिहान सवा ११ बजे शुरु हुनेछ।

आजै अर्काे खेलमा अफगानिस्तान र भारत पनि खेल्दैछन् ।

प्रतियोगितामा नेपालसहित ८ देश सहभागी छन्। नेपाल रहेको समूह ‘ए’ मा भारत, पाकिस्तान र अफगानिस्तान छन्।

त्यस्तै समूह ‘बी’ मा घरेलु टोली यूएई, जापान, श्रीलङ्का र बङ्गलादेश छन् ।

नेपालले दोस्रो खेल आइतबार अफगानिस्तानसँग र तेस्रो खेल २६ गते भारतसँग खेल्नेछ।