यू–१९ एसिया कपमा आज नेपालले अफगानिस्तानसँग खेल्दै

अडियोमा सुन्नुहोस

यू–१९ एसिया कप क्रिकेटमा नेपालले आज अफगानिस्तानसँग खेल्दै छ।समूह चरणको दोस्रो खेलमा नेपालले संयुक्त अरब ईमिरेट्स (यूएईस्थित) आईसीसी एकेडेमीको ओभल २ मैदानमा अफगानिस्तानको सामना गर्दैछ।

खेल नेपाली समयानुसार बिहान ११:१५ बजेदेखि सुरु हुनेछ।

नेपाल र अफगानिस्तान दुवै पहिलो खेलमा पराजित भएका थिए। शुक्रबारदेखि सुरु भएको एसिया कपको पहिलो खेलमा नेपाल पाकिस्तानसँग ७ विकेटले पराजित भएको थियो।

टस हारेर पहिले ब्याटिङ गरेको नेपालले पाकिस्तानलाई १५३ रनको लक्ष्य दिएको थियो। जुन लक्ष्य पाकिस्तानले मात्र ३ विकेट गुमाएर पुरा गर्‍यो।

आफ्नो पहिलो खेलमा अफगानिस्तान पनि भारतसँग ७ विकेटले नै पराजित भएको थियो। पहिलो खेलमा पहिले ब्याटिङ गरेको अफगानिस्तानले भारतलाई जितका लागि १७३ रनको लक्ष्य दिएको थियो। जुन लक्ष्य भारतले मात्र ३ विकेट गुमाएर पुरा गर्‍यो।